邊個話大人唔應該睇童話？大人更應該讀嘅童話書——《小王子》
 
 
 
《小王子》係法國作家聖艾舒比尼嘅名著，內容講述作者揸飛機嘅時候遇上故障，緊急降落沙漠後遇上小王子嘅故事。小王子眼中嘅世界純真而簡單，每每都令我哋反思成人世界中種種奇怪荒誕嘅現象。《小王子》至今已經有超過二百個語言版本，係世界上其中一本畀人翻譯做最多外語嘅小說。
 
 
 
《小王子廣東話版》將呢本不朽文學名作以廣東話呈現，為呢個故仔帶嚟多一份親切感之餘，亦都為廣東話注入多一啲嘅生命力。
 
 
 
節錄
 
 
 
小王子覺得好難受。佢朵花曾經同佢講，話自己係全世界獨一無二。而呢度，喺一個花園裏面就已經有成五千朵一模一樣嘅玫瑰花！
 
 
「你哋係好靚，但你哋都好空虛」，佢繼續：「冇人會為咗你哋連命都唔要。當然啦，一個普通嘅路人可能會覺得我嘅玫瑰花好似你哋。但係對我嚟講，佢比你哋全部加埋更加重要。」