Vivienne Chow　唐睿　黃念欣　徐忠雄　聯合推薦
利大英教授阿公虛構傳記
譜寫上世紀初中國海員流散英國嘅傳奇故事
粵英雙語對照版本
 
「中國商人」陳泉利喺1910年代初離開廣東，前往英國。佢喺英國經歷住1920、1930年代嘅反華種族主義，喺二次大戰期間，開咗間咖啡店兼賭館，當時嘅中國海員經常前去光顧。因着海員嘅愛國情緒，佢利用賭館為中國嘅抗日戰爭籌集資金。1945至1946年間，當時嘅英國工黨政府、內政部、特警、地方警察部隊同埋一間輪船公司聯合行動，強迫遣返所有喺英國嘅中國海員。呢次嘅反華行動一直被掩藏，五十年來未見天日。利大英根據佢阿公陳泉利既個人記憶，加上呢次遣返行動嘅政府資料，創作咗呢本自傳式嘅小說。喺小說入面，佢挑動讀者去思考，喺英國入面流散中國人長年遭忽視嘅歷史。
　
推薦語（按英文姓氏排序）
《第八位中國商人同消失咗嘅海員》既獨特又帶俾我哋驚喜，佢唔只探尋華人移民未為人知嘅故事，仲要用粵語華文嚟書寫——粵語華文喺華語研究入面長期受遺棄同漠視。地緣政治嘅困苦無日無之，呢部作品極合事宜，透過回望過去，為我們嘅當下提出洞見。
──Vivienne Chow，文化藝術記者
 
呢本係一本敘事密度非常高，同埋充滿人文精神嘅小說。故事講述一位為咗推翻滿清而奔赴英國嘅革命者，喺佢同民國革命失諸交臂之後，被二十世紀上半葉一系列世界大事困鎖異鄉。小說嘅高潮之一，係對1946年英國政府強制遣返數百名華人海員呢段黑歷史嘅控訴。呢啲海員喺二戰期間，對英國嘅航運同物資供應貢獻良多，卻喺戰後被棄之如敝屣，但呢個實際上，卻只係小說主人公陳泉利，從晚清到民國，所見證到嘅複雜中英關係、同埋華僑喺英國所遭遇到嘅歧視同不公事件嘅一端。作者利大英講過︰「冇中國嘅世界就唔係世界，冇世界嘅中國唔可能再係中國。」而呢部通過華僑視角，以既憂鬱又間唔中穿插一啲幽默語調嚟敘述嘅小說，正好可以彌補一般人只係通過大歷史敘事，或者單從中英其中一方嘅歷史敘事，而對呢段時期嘅偏頗認知。
──唐睿，香港浸會大學人文及創作系助理教授
 
利大英教授以傳記小說嘅方式，繼續佢逆想離散中國嘅學術旅程。粵英雙語版嘅《第八位中國商人同消失咗嘅海員》別開生面，以兩種想像嘅「鄉音」，記錄華人、愛爾蘭人、利物浦人嘅多重身份鏡像；為愛國、革命同反殖，寫下一頁唔可以忽視嘅情感注釋。
──黃念欣，香港中文大學中國語言及文學系副教授
 
利大英阿公陳泉利曲折離奇嘅故事既係想像力獨特，亦喺二十世紀轉折時期廣為常見。故事關乎絕對唔妥協嘅意志，堅毅而決斷咁面對英國制度下種族主義嘅高牆；同時關乎一班中國海員，佢地喺二戰期間為英國人服務，但係又遭強制遣返中國，被迫離開佢地嘅家人。呢個故事關乎種族滅除──一段唔可以被靜音和遺忘嘅事蹟。
──徐忠雄，《家鄉》作者，美國華盛頓大學英文系教授
 
| 目錄 |
 
推薦語
序
肖像
離開廣州
中國開出嘅慢船
戰爭同埋唐人街
佢哋嘅思維模式係東方嘅
唐人街不斷萎縮
衫領同恤衫
搜捕行動
驅逐令
空框框嘅咖啡廳
岸邊嘅陌生人
 
| 內容節錄 |
 
離開廣州 
 
「你應該去歐洲啊 ! 」喺一群二、三十歲嘅中國後生仔 入 面，有 人 咁 同 佢 講。當 時 係 1911 年 4 月 27 日，一 場 起 義 爆 發，廣州周圍嘈雜嘅街道說明咗起義已經失敗。呢個就係 之後大家俗稱嘅「黃花崗起義」，因着八十六名死難烈士 安葬喺黃花崗而得名。部份後生仔逃到廣州街邊嘅一間屋 裡面，間屋屬於一個秘密社團。喺嗰段日子裡面，呢個叫「致公會」嘅秘密社團懷有一個政治目的:「驅除韃虜，恢 復中華」。喺歐洲，佢哋自稱為中國共濟會。
 
有個男人背靠住牆企係度，望向窗外，透過一排晾曬 緊嘅衫望住對面街。只係聽到一陣槍聲同埋叫喊聲。
 
「孫中山喺加拿大同馬來亞嗰邊啲華人嗰度籌咗啲資 金，我哋之前攞咗啲武器，但起義都係失敗咗。呢次起義 又失敗。我哋仲要繼續戰鬥，驅逐滿人。我哋要有更好嘅 軍事力量同裝備先至得。」
 
有個男人背靠住牆企係度，望向窗外，透過一排晾曬 緊嘅衫望住對面街。只係聽到一陣槍聲同埋叫喊聲。
 
「阿陳 ! 你真係應該去歐洲咯⋯⋯你識英文，又學過 法文。去啦，去揾我哋嘅海外同胞，攞更多嘅支持。」
 
阿陳被選赴歐洲，因為佢閱歷豐富。雖然仲未到而立 之年，但係佢嘅生活已經遭受咗唔少苦難。佢係孤兒，細 個嗰陣阿媽就已經離家而去。阿爸係一位藥劑師，帶住藥 箱到處走，喺橫渡珠江嗰陣死於風暴，亦有人話佢死於心 碎。阿陳只有寄人籬下，投奔住喺澳門嘅姑媽。阿爸冇留 低任何財產畀佢，姑媽對佢梗係冇對自己親生仔咁好啦。 信奉天主教嘅姑媽會畀錢佢去買蠟燭，交代佢喺呢個葡萄 牙殖民地啲教堂入面揀一間，然後去嗰度點着買返嚟嗰支 蠟燭。佢會攞啲錢去買書，偷偷地咁帶啲書返屋企。佢曾經 講過，自己淨係得一件恤衫可以着，每晚佢都會將嗰件恤衫 洗乾淨，第二日再着。冬天嘅時候，佢冇外套，凍到係咁打 冷震。喺之後嘅生活入面，你總係會睇到佢着住件大褸。
 
佢刻苦學習，同時都會做吓兼職— 幫唔識字嘅人寫 信，因為咁佢存咗啲錢。二十世紀早期，佢北上南京。一 直以嚟，佢都極之勤力讀書，希望可以考科舉。1905 年，喺 遲嚟嘅國家現代化進程入面，呢項舊嘅官員選拔制度畀人廢除咗。因為咁，佢轉學會計。佢返到澳門，又去香港揾工。 但呢種文職工作只會留畀白人，或最多都係留畀印度人。
 
佢帶住積蓄，上咗一艘開去澳洲嘅輪船，喺底部甲板 上面賭錢，大獲成功。佢天生記性好，頭腦轉數快。玩啤 牌係佢嘅看家本領— 唔理係話事啤，定係十三張。
 
返到香港之後，佢搭上一艘開去中南半島(法屬印度 支那)嘅輪船。喺西貢，佢發現咗一種同英格蘭文化唔同 嘅文化，於是開始學法文。喺咁多次回程途中，佢都會買 法文報紙同書。巴里對報紙最早嘅記憶係一張好大張嘅 紙，鋪喺利物浦飯枱上面。巴里比較早慧，嗰陣時已經識 睇字，但佢發現自己一句都睇唔明白。點解呢 ? 佢比較熟 悉中文字，對呢種文字卻係無從捉摸。呢啲係咩嘢字嚟嘅 呢 ? 睇起嚟好似英文，但又唔係。
 
「法文報紙呀，巴里，」見到個孫仔一臉疑惑，阿公好 簡短咁講。阿陳從來唔會喺冇必要嘅解釋上浪費口舌。
 
「阿公，咩嘢係法文呀 ? 」
 
「巴里，佢係另一種語言。」
 
所以，喺英文同埋中文之外，仲有其他嘅語言 ? 巴里 覺得好驚訝。
 
船上嘅賭博日子留畀阿陳嘅另一件紀念品，係佢彎曲 嘅手指尾。阿陳同巴里講，佢曾經同一個呃呃騙騙嘅印度 賭徒打交，嗰個賭徒幾乎咬斷咗佢嘅手指尾。阿陳最後打 贏咗，將嗰個印度人由甲板掟咗落南中國海。喺後來嘅生 活入面，巴里都有懷疑過，斷指好有可能同某個秘密嘅社 團儀式有關。
 
事實上，阿陳經驗豐富，遊覽過呢個世上好多地方。 佢知道點樣同外國人相處，識得講佢哋嘅語言，亦識講 四、五種中華語言，夠佢喺海外同華人溝通。佢手頭有少 少積蓄，知道點樣謀生。佢去歐洲呢件事都可以話係自然而然嘅。
 
春日將盡，佢同朋友、同伴同埋親人講再見，亦同哥哥告別。佢造訪咗陳家宗祠以示敬意，喺科舉制度廢除之前，佢曾短期喺嗰度讀書學習。佢同自己後生嘅老婆告 別— 佢賭錢賺咗少少，所以有能力成婚。
 
「一年到，我就會返嚟。我會寄錢返嚟。唔洗擔心。」 佢將老婆留喺家鄉南海，對佢老婆咁講。南海係靠近廣州 嘅地區，阿陳嘅家族喺饑荒年代從北方走難到呢度，已經 喺呢度生活咗幾百年。
 
佢老婆就再都冇見過佢。
（未完待續）
 
| 作者簡介 |
 
Gregory Barry Lee 利大英，身為作家、廣播員及學者，利大英喺過去四十年間，不斷寫及同埋談及中國同「唐人街」。佢係蘇格蘭聖安德魯斯大學中國研究嘅創始教授，亦曾喺法國、美國、中國大陸同埋香港居住同工作。佢最近期嘅著作係《想像中嘅中國：從歐洲奇想到泱泱大國》（赫斯特，2018）。