全書分三章，講講廣東話歇後語、諺語同埋俗語。

歇後語用字比較通俗、口語化，有好鮮明、生動、活潑嘅特點，有時仲語帶相關，更添幾分幽默，因為咁就較容易引起人嘅興趣。除咗可以將歇後語睇成一種文字遊戲之外，又可以由歇後語睇出我哋嘅生活文化。

所謂「諺語」，係話一啲流傳民間而言簡意賅嘅常用語，通常係指一啲含有豐富知識、經驗，有思想，有教育意義嘅俗語。

至於俗語，就係生活上嘅慣常用語，係指「約定俗成」，廣泛流行喺某時某地嘅口頭用語。

廣東話資料館「通學」系列第9本《廣東話給我們的人生課》，繼續同讀者發掘更多有關香港嘅生活用語。
 
| 關於作者 |
 
廣東話資料館 Cantonese Museum
Facebook：https://www.facebook.com/CantoneseMuseum/
Website：http://cantonesemuseum.blogspot.com/