首本廣東話 X 日文對照｜文化生活讀本


Namico，居港日本人，喺香港生活、結婚、生BB；對於香港，佢直言自己「因陌生而抗拒，因理解而包容」。Namico描述：「初到香港，我對各種文化衝擊感到震驚，甚至曾經產生強烈抗拒同厭惡。但又會諗，既然我難得嚟到香港生活，如果一直故步自封，唔識改變就太可惜啦！自此，我開始思考香港人行為背後嘅文化背景，同埋點解作為日本人嘅我會感到咁唔自在。當然，幾十年甚至幾百年嘅傳統同習慣唔係住三五年就可以完全明白，但只要肯面對差異、嘗試理解，好多嘢其實接受到甚至覺得有趣。」

全書包括Namico喺香港經歷嘅100個文化衝擊，由日常生活搭車食飯，到去便利店買嘢去街市買餸，同埋喺香港職場返工，佢都發現唔少香港同日本嘅唔同，唔講未必覺，但佢用日本人嘅視角，真係發掘到唔少香港獨特嘅文化！附錄仲有Namico精選「10樣叫日本人著迷嘅香港地道美食」同「10樣日本人睇落好恐怖嘅香港地道美食」。

全書仲係廣東話同日文對照，香港人睇得，對香港有興趣嘅日本人都睇得～
 
| 目錄 |
 
前言
 
點解我會嚟香港！？而家竟然愛上咗呢個地方！
扶手電梯速度太快喇！
搭𨋢都要快！
香港人回覆得太快啦！
工作效率好快！
同香港人食飯真係有好多文化衝擊！
吓？餐廳食飯要自己洗餐具？！
茶餐廳第一杯熱水原來唔係畀客人飲？！
西多士？奶茶？檸茶？全部都甜到漏！
碟係裝垃圾？細碗先係用嚟食嘢？
餐廳將廁紙當紙巾用？
美食廣場或者快餐店食完飯唔使自己清理！？
食剩嘅嚼竟然倒落廁所！？
客人唔係神！
茶餐廳阿叔突然坐埋嚟？！
吓！呢啲係早餐？即食麵？出前一丁？！
香港人真識養生！
香港二次會——糖水文化！
嘩！生嘅肉！嘩！條魚仲跳緊！嘩！青蛙！
街市買餸冇人會排隊畀錢？
嘩！好多我未見過嘅水果！
用水洗肉⋯⋯！？
麵包舖同蛋糕舖二合一！？
買衛生巾唔使收收埋埋㗎！
香港咁細嘅屋，樓價竟然咁高！連養嘅魚都要沖落廁所？
每日清潔幾分鐘就搞掂！廁所清潔係用水沖！？
垃圾唔使分類？回收時間表都冇？！
有人對住自己部手機講嘢咁奇怪⋯！
搭緊車竟然可以講電話！？
搭小巴真係好大挑戰！
揸車太激烈啦！砵砵砵！
交通燈嘅顏色原來係紅色、黃色同綠色？
交通燈聲嚇到我彈起！
嗯？突然落雨⋯⋯
我放棄晒化妝同電髮⋯⋯
畀香港嘅冷氣凍到就嚟變雪條！
香港人咁怕凍？唔使圍巾同手套都得啩？
原來日常生活可以咁方便同咁暢順！！！
萬能卡——香港身份證！
香港周圍都係日本產品！？
香港真係好似迪士尼樂園咁！
日本係香港人第二個鄉下？
返到公司第一時間竟然係即刻坐低食早餐？！
原來病咗唔使扣年假？港日職場文化大不同
清年假係義務！？
返公司？公司係第二個屋企？
原來唔用日文，人與人嘅溝通可以咁輕鬆！
今日係幾月幾號？
聽日打八號風球⋯⋯！？
玻璃飯盒，會唔會太重啊？只係裝琴晚嘅隔夜餸？
同親近嘅同事食飯都會分享餸菜嚟食！？
吓！？喺公司洗飯盒！？
香港午飯時間真係鬆動好多！
有雙層巴士，返工變享受！
香港搵工竟然冇入職季？公司可能連培訓都冇？
轉工竟然係好事？！
性騷擾？香港真係好少見！
打工仔收咗工都係一個普通人！
廣東話⋯⋯係咩嚟？即係普通話？
香港人平均語言能力超高！
「吓？」香港人係咪個個都嬲緊？好驚啊！
對住長輩都講「你」？
「佢」稱呼乜都得！
廣東話用漢字，對日本人嚟講實在太好啦！
香港化嘅奇怪日文
粗口絕對係廣東話嘅精髓！
我嬲緊㗎！
好朋友都唔知對方真名⋯…
叫「細佬」感覺好新鮮！
親戚稱呼多到頭都大！
男女朋友之間竟然稱呼大家做「豬」？！
香港情侶公開放閃有太過分！
夏天成日見到赤裸上身嘅男人周街行！
嘩，有紋身！有啲驚⋯⋯
醒目又有型嘅香港男士
香港嘅老人家好有活力好健康！
學生好少出街玩？
嘩！咁細個就要戴咁厚嘅眼鏡？
測驗打✓竟然係啱？！
竟然有香港人唔識踩單車！？
竟然有香港人唔識游水！？
香港人真係好重視家庭！
香港人約人都講效率！
香港人講嘢冇禁忌？
肥原來係好事？！
香港人真係好主動讓座！
香港人好外冷內熱！
香港人對 BB 同細路真係好包容！
喺香港，身分地位唔係咁重要？
香港嘅有錢人睇唔出好有錢？！
有錢但係咁慳家？！
有好多香港人帶住女傭周圍去！嘩，一定好有銭！
將家務外判？
星期日流行露營、野餐？
得我一個睇棒球睇得咁興奮⋯⋯？
香港新年竟然唔係一月一日？！
香港節慶，家人團聚多！
聖誕節唔係浪漫日子？！
香港男士真係辛苦晒！情人節大考驗！
可以自己揀開刀生 BB ？未聽過！
陪月？香港有產後護理真係好幸福！

後記 因陌生而抗拒，因理解而包容
 
附錄 I 10樣叫日本人著迷嘅香港地道美食
附錄 II 10 樣日本人睇落好恐怖嘅香港地道美食

 
| 作者簡介 |
 
NAMICO，住喺香港嘅日本人。
日本埼玉縣出身，巨蟹座O型。早稻田大學商學部畢業。
2019年開始定居香港。由零開始學廣東話。
仲克服咗日本人最怕嘅——茶餐廳伙計、小巴司機、曱甴、公廁、同埋食鳳爪！等等。
用細膩嘅觀察，記錄香港同日本文化嘅差異，分享點樣喺異地活得自在。